Jako Iban Nyau Makin 'Nyelam' 2

Cukup gaga ati aku enti nyema bansa iban agi bejaku ngena jaku iban lebuh ke bejaku enggau pangan diri.Tang spil enggi aku tu mayuh ngena''U' ukai ''O''' laban nitih ka gaya mulut ti nyebut.


Ba penemu aku enti bejaku ribai ketegal enda nemu bejaku iban nya enda ngawa.Laban enti enda nemu bejaku iban pengliat kitai meh belajar ke ia(Agi Idup Agi Ngelaban). Tang ia ka endang nemu bejako iban tang sengaja enggai bejaku iban nya meh ka ngasoh jaku iban 'LENYAU'.Amat meh jaku iban tu ukai International Language tang ia patut di tan ka kitai laban nya endang jaku bansa kitai iban.Enti enda pia nya mega tau ngujung ka jaku Iban 'LUS'.


Aku mega kala ninga ka urang madah ka jaku iban nyau ka munyi jaku laut tang pegila lusa dudi ari jemah ila urang tau madah ka jaku Iban sebaka & jaku laut taja pan jaku laut nya bisi reti ia ba jaku Iban.Enti bakanya lenyau meh identity kitai Iban ti bisi ngembuan jaku kediri empu.Enggai aku neju ka utai tu nyadi.


Di baruh tu sekeda agi jaku Iban ti majak 'LENYAU'


1)SAMPAH-----------------------------------> URAS


2)ROSAK------------------------------------> JAI


3)MEMANGGANG---------------------------> NUNU KITAI IBAN SELAU NYEBUT


MANGGANG.NUNU TAU KENA MADAH KA BENUNG NUNU ENTI URANG NANYA KA MAYA BUMI BETAUN.


4)MENGULANG-----------------------------> NANDU.KITAI IBAN SELAU MADAH KA 
NGULANG MAYA BEPESAN BERAT BA RADIO.



5)GILIRAN----------------------------------> GINTIR/IDAR



6)MENDUNG--------------------------------> MAMBAM



7)TEKA-TEKI-------------------------------> ENTELAH



8)MEMBIARKAN---------------------------> NEJU KA



9)MENYAMBUNG ------------------------------>NANGKIR 



10)SAMBUNGAN CERITA-------------------------------------->TAMPUNG JERITA



11)URANG UTAN----------------------------------------------->JELU MAYAS



Au naka tu dulu kenang aku senetang topic kitai ka lemai tu.Arap ka kitai sama berati ka perkara tu.Mupuk aku........ ♥