KUCHING: Laban bisi fasiliti ti chukup ka tambah endur gawa ti baka resot, nadai kebuah pengawa ba Three Gorges Development Company (M) Sdn Bhd enda ngumpan ati bala nembiak enggau mensia mayuh ke bukai.Kompeni nya taun baru tu ila bisi 3,500 iti pengawa puang ungkup diisi ulih bala raban professional asal menua tu empu, bala sida ke udah tembu pelajar sekula, bala baru graduat professional sereta ukai professional, semua ba projek empang Hidro letrik Murum nitih padah ari menija operasi Mary Chin lebuh bejaku ba Job Placement Programme (JPP) di Waterfront ditu kemari.
Iya madah, atur rekrut orang gawa ba JPP ditu nya keterubah iya dipejalaika sida berakup enggau bala sida ari Opis Pengatur Pengawa tauka Opis Labour ditu.
Ku iya nambah, sida deka fokus ba bala nembiak asal menua tu empu laban jam ke diatu, komponi nya deka fokus ngagai bala rayat asal menua ditu laban kompeni nya bisi 2,400 iku orang professional lalu mina bisi dua tiga iku bala rayat asal menua tu empu.
“Bala sida ke ari menua tasik nya berasal ari menua China, Pakistan, Bangladesh enggau Pelipin. Kami deka fokus ngambi orang gawa ungkup raban 2010 nya ba bala kitai menua asal tu empu,” ku Chin.
Ku iya nerang, fasilti kena sida kereja nya ending chukup ungkup sida empu tauka ‘self sufficient’ laban endang bisi kuarters alai diau, bisi endur bemain, medical, endur rekreasi sereta bisi ‘personal insurance’ ka tambah mayuh utai bukai.
“Enda begunaka peneleba gawa laban kami bisi ngatur latih kami diri empu ungkup sida,” ku Chin nambah.
Semua fasiliti sida nya ending ba endur palan ngagai projek Empang Ai Murum nya ba sungai Murum di Belaga enggau Kapit.
Chin mega madah, mayuh bala raban bansa kitai menua tu empu lembau bendar nerima pengawa ba endur nya laban tegal penyauh enggau geografi Murum. Bisi sekeda pengawa puang lama udah dibuka tang lalu nadai orang ngisi laban menua Murum tu jauh ari menua sida.
“Sekeda bala sida ke bisi udah minta sebedau tu tang enda nerima pengawa nya lebuh diberi ngagai sida laban sida madah menua endur gawa nya kelalu jauh di entigis menua ulu,”ku iya.
Nya alai Chin ngansak bala orang ke udah badu sekula nya, bala orang baru graduat anang enda sama enggau minta pengawa ba JPP
Waterfront ditu tauka nulis peminta ngagai Three Gorges Development Company (M) Sdn Bhd, Sublot 24, Lot 11442, Block 11, Jalan Lorong Song 4, MTLD, 93350 Kuching, Sarawak.
“Penguntung enggau fasiliti kami endang chukup manah bebanding enggau sekeda kompeni bukai lalu pia mega kami endang siru pasal pengelantang pendiau bala staf kami,” ku iya.
Bala sida ke bisi ati dipinta talipaun ngagai opis iya ba lumur 082-463959 tauka 082-460959 (Fax).
Three Gorges Development Company (M) Sdn Bhd tu siti komponi bepalan di menua China sereta ending lumur satu dalam pengawa projek hidro letrik di China. Sekeda ari pemujur sida nya nyengakaum ngaga.
Three Gorges Dam ba Sungai Yangtze di China ke mega projek empang eletrik hidro pengabis besai di dunya.
No comments:
Post a Comment