Share this profile

Share this profile

Bangsa Iban

Dalam bulan tu, bemacam-macam jerita udah didinga aku pasal kitai bansa Iban. Ukai ke manah tang ke jai. Ukai digaga bansa kitai tang ditusui bansa bukai. Nama kebuah?

Rindu amai sida tu bejaku ke bansa kitai tu. Kati sigi nyadi ke main sida bansa kitai tu. Sebedau tu kitai ninga "top" ba berita siko uchak ari parti pemerintah ba senanjung din madah kitai bansa iban palui laban ngundi parti .. enda ngundi penyakal. Ko ya laban kitai agi ngena chawat. Urang ke ngena "molek2" aja ke ngundi penyakal. Tu siko agi uchak ke bejaku pasal chawat. Aku enda nemu apa maksud iya, samaada ka ngelesey ke tauka utai bukai.. iSHioK.com. 

Kati urang baka tu berunding... kati urang ke ngena baju manah2 ngena kot nya urang ke pandai? urang manah? urang pintar? Kala urang ngerumpak ngena sirat? kati baka urang ke ngerugul? Nipu? Uji pikir2 baru. Cukup panas ati meda runding sida tu baka tu.

Enti sida kitu meda pemajik bala indu Iban sigi enggai agi sida pulai ke menua sida. Enda pia?

Kita udah diatu ba menua Malaysia, Satu Malaysia ko jaku, so.. begulai manah meh enggau pangan diri. Anang manding ke siku-siku bansa enggau baju sida ya. Sirat, Ngepan nya baji tradisi turun temurun bansa Iban. Nya nadai kaitan enggau Ngundi, Politik, LRT, Bas, Roket, Dacin, Bulan, Kapal Selam tauka apa2! Bakanya mega bansa bukai, masin2 bisi baju tradisi diriempu, anang meh ngelesey baju tradisi bansa bukai. Diau manah, jenuh enggau manah mimit mulut becherita. Enti bisi enda puas ati, kitu ngusung rumah panjai ditu alu padah ke utai ke enda puas ati. Meda gaya ulih pulai ke enda udah nya.

So, aku enggau becerita panjai. Masin2 udah besai nemu reti bebasa ke bansa bukai. So enti agi madah kitai sama Satu Malaysia, memanah meh kaul enggau bansa bukai, begulai manah, jaga jaku, alu anang sesengapa rembang enti becherita.. Peace no War!

Bangsa Iban: Jako Iban Nyau Makin 'Nyelam' 2

Bangsa Iban: Jako Iban Nyau Makin 'Nyelam' 2

Dayak Cafe kedai makai keterubah dempu Iban

MUKAH: Tuai Rumah Juki Lambul, siku tuai rumah panjai diberi basa bejadika siti kedai endur makai enggau ngirup ti baru dibuka lalu disempulang enggau adat miring jam pukul 10 pagi kemari. Udah tembu miring, siku indai orang penama Sadiah Intai lalu entudi nya bejaku besampika pemujur kedai iya, sereta ulih meri jalai enggau penemu ba pengawa dagang.

Sadiah Intai, umur 43 taun, ke bempu kedai endur makai enggau ngirup keterubah dempu orang bansa Iban dibuka ba pasar Mukah diatu ke dikumbai Dayak Cafe.

Munyi ku jaku Sadiah ngagai Berita Iban ditu lebuh maya pengerami muka kedai nya kemari, iya ke datai ari menua Bageri, Batu 15 Jalai Selangau-Mukah madahka pengaga ati meda diri empu ulih baka orang bukai mega besimpan ka mudal lalu ngena mudal ulih laki iya gawa ngelamatu dikena bedagang.

“Bepun ari diatu aku ke ditulung siku menantu aku ke lelaki, dua iku anak indu enggau siku uchu nguji enggau bebendar gawa nitih baka orang bukai ke udah mansang bejalaika pengawa bakatu.

Iya bisi ngangau siku tuai rumah di rumah panjai ba Bagerik, Tuai Rumah Juki Lambul enggau lebih 50 iku bala kaban belayan ke semak awakka sama enggau berami bepun ari pengawa miring ngarapka pengawa ke digaga iya dajihka laku, mansang enggau ulih meri pengarap ngagai orang sama-sama enggau datai ngerami sereta makai enggau ngirup ba Dayak Cafe nya.

Ku Sadiah, kedai iya tiap hari dibuka tumu jam 7.00 pagi ngagai pukul 11.00 malam. Endur kedai nya, iya ke betul-betul ba endur ti senang dipeda orang, lalu iya mega bisi ditulis ba papan tanda nama Dayak Cafe seberai opis besai ke benama Opis Pehin Mukah, sebaris enggau Bank Rakyat Mukah enggau enda jauh ari endur kedai nyual tikit Toto ila.

“Bemudal ari jereki ke diulih laki aku penama Kui, aku enggau naka ulih sereta bediri atas kaki diri kena ngayan ngagai orang bukai ngichaka juluk ati aku ke bedagang ngelama tu ayan sereta bulih pemansang ba mata orang bukai,” ku tambah Sadiah.

Kedai makai Dayak Cafe tu ba Sublot 1159 Ground Floor, Block C, Bandar baru Fasa II Mukah nyendiaka mayuh macham pemakai iya nya baka pansuh tauka lulun, asi sereta mayuh macham agi pemakai asal kitai bansa Dayak ba Sarawak diatu. Kelebih agi deka nyendiaka endur baru ngagai orang dagang temuai (ari menua tu enggau menua tasik) nyepi asai lauk disediaka ulih bala kitai Iban.

Bala mayuh ke deka datai ngirup enggau makai lalu enda milih bansa disemaya deka diberi anti penatai enggau nah ke manah sebaka enggau ati sereta ulah tukay indu ke bempu kedai tu ila. Kelimpah ari nya mega, bala ke datai ulih mega ngaga peminta nama bansa lauk enggau asai ti kedeka sida iya.

Rega ai irup enggau semua pemakai nitih baka dipinta ulih orang bukai ke sama bisi muka kedai bakatu. Nya alai nadai kebuah bala pemacha ke bisi ngetu di Mukah enda ngiga Dayak Cafe ditu.

Wira masyarakat iban sarawak...

Bagi masyarakat Iban di Sarawak perkataan ‘keling’ sudah tentunya mempunyai maksud yang tersendiri.

‘Keling’ ialah nama seorang pahlawan dan menurut legenda masyarakat Iban beliau tinggal di rumah panjang Panggau Libau Lendat Dibiau Takang Isang dan isteri beliau bernama ‘Kumang’ adalah dari rumah panjang Gelong Batu Nakong Nyingit Nyingong Nyimbang Nyerabang.

Dalam bukunya yang bertajuk Keling of the Raised World (terbitan Fajar Bakti, 1991), Jimmy Donald menyatakan bahawa Keling mempunyai personaliti idaman setiap lelaki dalam masyarakat Iban.

Beliau adalah seorang yang gagah, berani, dan juga mempunyai wajah yang cantik (Keling was so wise, brave, strong, fearless and handsome ). Selain dari itu beliau juga dipercayai mempunyai kuasa ghaib (tau ajih) seperti boleh menghilangkan diri daripada penglihatan musuh serta mampu bertukar wajah serta memegang watak yang berbeza.

Sikap Keling yang utama ialah berani. Seseorang pahlawan Iban yang dikatakan mendapat `pertolongan’ daripada beliau sudah tentunya sukar untuk ditewaskan oleh musuh mereka.

Menurut masyarakat Iban seseorang yang berjaya berjumpa dengan Keling atau Kumang dalam mimpi mereka sudah pasti akan menjadikan seseorang itu berani dan menjadi pahlawan (Raja Berani).

Dalam bukunya, Tiga Belas Bengkah Mimpi (Tiga Belas Jenis Mimpi) (terbitan Borneo Literature Bureau, 1966), Benedict Sandin menceritakan bagaimana beberapa pahlawan Iban seperti Dana bensumbar Bayang , Orang Kaya Pemanca Nanang dan Unggang Lebor Menua, menjadi pahlawan dan amat digeruni kerana dipercayai mendapat `bantuan’ daripada Keling dan Kumang.

Cerita kepahlawan dan keberanian Keling juga berbagai dan sentiasa diceritakan (ensera) kepada anak-anak kecil orang Iban yang tinggal di rumah panjang. Misalnya orang-orang tua akan bercerita tentang kehebatan Keling dan bagaimana beliau menjadi seorang pahlawan yang sukar untuk ditewaskan oleh musuh.

Misalnya dalam buku Keling Nyumpit (Keling Menyumpit) (terbitan Borneo Literature Bureau, 1967) oleh Geogre Janang, menceritakan bagaimana Keling dan seorang lagi teman beliau bernama Laja berjaya melepaskan isteri mereka, Kumang dan Lulong (isteri Laja ) daripada tawanan musuh mereka, Apai Sabit Bekait.

Kedua-dua Kumang dan Lulong ditawan oleh Apai Sabit Bekait semasa mereka mencari ikan (mansai) di sebatang sungai. Setelah ditahan Apai Sabit Bekait menyimpan mereka di dalam sangkar besi.

Bagi orang Iban, nama Keling ini sememangnya dihormati dan mempunyai kaitan yang rapat dengan adat resam dan tradisi mereka. Mungkin pada hari ini Keling dan Kumang boleh dikatakan sebagai role models dalam masyarakat Iban.

Sebagai mengingati legenda Keling dan Kumang masyarakat Iban di Sarawak mengadakan pertandingan Keling Gawai bagi lelaki dan Kumang Gawai bagi wanita untuk memilih mereka yang menawan dan cantik.

Upacara ini diadakan pada tiap-tiap tahun besemperna Gawai Dayak di Sarawak. Tambahan pula aktiviti Keling dan Kumang Gawai telah menjadi sebahagian daripada aktiviti pelancongan negeri Sarawak.

Dalam masyarakat majmuk seperti di Malaysia sudah tentunya sesuatu perkataan yang sama ejaan dan bunyi boleh jadi mempunyai erti yang berbeza. Namun demikian bagi masyarakat Iban di Sarawak, perkataan Keling adalah nama seseorang pahlawanan yang berani, mulia dan personaliti yang ingin dicontohi oleh setiap orang Iban di Sarawak.

Mungkin penggunaan perkataan ‘Keling’ boleh dikhaskan untuk merujuk kepada legenda masyarakat Iban di Sarawak sahaja.

FAREWELL NOTE TO MY GUESTS:(Iban)

Enti kita nyau nyadoh ka tuboh bebai pulai nandang,
Anang kita enda ngelua ka belili leka dabong raang,
Engkah ka kita atas chapak ke lelidak atas tikai,
Awak ka dikena aku nyabang ubat pandai.
Enti tusoi aku ditu bisi salah enda manah,
Anang kita mantah enggau dilah dabong landai.
Anang Kita ngemalu ka tudah aku di lempedu tangkai kamai.
Laban aku endang enda tau ngelulu ka kita ngena jako nyampau dirintai.
Aku ga semina nampong jako orang ke dulu udah danjan,
Ngagai batang Mandai Rawan.
Aku ga endang deka nguji nitih ka ripih adat Iban,
Niti-nali nampong adat sida Aki Lang Menaul Buban.
Enggau tu aku arap ka kita Gayu-guru ko Sentuku,
Gerai-nyamai ko Selampandai,
Nadai apa, nadai nama ko Petara.
Kitai tu sama-sama nampok ngagai Tuchong Rabong Benama,
Ngambika kitai jelai rita nguan menoa.
Terima Kasih ngagai samoa kita ti rindu ka penemu lama,
Arap ka kitai tau batemu jemah ila. 

Berita Orang Iban

Nyadi jerita aku ditu enda alah ditelah ngena dilah baruh raang,
Enda ulih ditunda enggau sula dabong jarang.
Jerita aku tu amat maioh ari beloh danau langkang,
Banyak ari lemetak tinting kedang,
Nyampau jako randau ke bangat maioh dikenang.

Jerita aku ditu panjai enda alah di japai nemuai sahari,
Enda alah di tusi ari lemai nyentuk ka pagi,
Nemuai lantang meh kita akan ngambi penemu jadi pegari.

Nya alai……. Lalu meh Akan, Lalu, anang malu,
Rumah pandak aku tu enda kala dientak ka remak pagar api,
Rumah panjai aku tu enda kala megai penti pemali,
Rumah panjang aku tu enda kala di-indang Manang Menani,
Rumah aku tu nadai kala di-imbai bangkai pemati.

gnmawar@gmail.com

Traditional Dance - Ngajat Iban from Sarawak

Ngajat org Iban.....bak menua Sarawak.......tuk meh ngajat tradisional  org Iban....nti kak mendak ngagai web tok...


   /\www.youtube.com/watch?v=uCsXHly9sg4
   www.youtube.com/watch?v=eK5zsMFMYJU
 

Pengerindu Bujang Enggau Dara

Bujang:  Tu meh utai di anti aku selama tu.

Dara:  Sanggup nuan meda aku pergi??

Bujang:  Oh enda!! Anang sesekali nuan berunding bakanya.

Dara:  Nuan sayau ke aku?

Bujang:  Udah tentu! Nang tetap selama-lama iya.

Dara:  Kala nuan gila indu bukai??

Bujang:  Enda!! Aku endang enda ngereja utai ke ngenyai nya!!

Dara:  Ka nuan ensium aku??

Bujang:  Ya sulu sayauku..!

(Pengudah 5 Tahun jadi melaki bini)

Jako Iban

sebedau ku miau kita dulu aku meri SELAMAT ARI GAWAI TI KA DATAI

Sampi gawai dayak
Sa, dua, tiga, empat, lima, enam, tuuuuuujuh! 
Enda aku busong ngelangkah gunong,
Enda aku tulah ngelangkah tanah,
Enda aku danjan ngelangkah bulan,
Enda aku tumbang ngelangkah bintang! 
Kaki aku udah bediri di segi besi belumpong,
Nyawa aku nyapa nyembah di klasah tikai bedong long.
Lengan kanan aku ditanggam beringan lanchum selong,
Pala aku di-bap singkap jalong jabong,
Blakang aku ditinggang seludang baju burong. 
Laban aku tu ukai mungkal ukai nanjal,
Aku tu endang niti endang nali,
Baka ijok tampung penduk,
Baka rutan tampung danan,
Baka ira tampung lemba,
Baka wi tampung tali.
Pecah periuk tanah ganti periuk tani,
Padam bulan diganti matahari,
Parai orang ka tuai ganti tubuh kami,
Pambu orang ka dulu ganti kami ka dudi.
Kami tu deka ngintu gawai dayak,
Nitih ka pekat, ngimbai adat menoa Sarawak,
Ngibun durok kitai bansa,
Negi ka menira adat ugama menoa Malaysia,
Ngambika tampak rita idup bersama di mata dunya. 
O….Hoi!
Nya baru aku ngangkat ka kita ke lama udah timpat,
Tinggang urat sebangki api.
Tu baru aku nyungkang kita ke lama udah tumbang,
Tinggang batang tebelian wi.
Aku nyerungkai kita ke lama udah parai,
Keranjai indai imbok kedidi. 
(Tu aku ngangau ka aki kami Sera Gunting,
Ke tau nemuai ngagai gensiring langit kuning.
Ngangau ka tuai benama Begeri,
Ke dulu ngajar kitai beguna ka atau babi,
Laban iya ba indai ka Dara Manis Muka.
Aku ngangau ka aki kami ke benama Sarapoh,
Tuai ke berani nyanda bunoh,
Ringka-ringka ngema benong benda menaga. 
Aku ngangau ka Aki kami Pateh Ambau,
Ke datai ari Pangkalan Tabau,
Peling lanting tawang ulih menang bedagang.
Aku mega ngangau ka Gerasi Belang Pinggang,
Seduai Rukok ke Pematak Bala Nyerang.
Aku ngangau ka Petara Betie “Brauh Gumbang”,
Seduai Datu Patinggi Gurang.
Aku ngangau ka Petara Jalir, Petara Gisang,
Petara Geringu, Petara Sumbang.
Aku ngangau ka Petara Gerijih Ai Marang,
Seduai Bangkam ke ngaram ka sampan buong Rajang.
Aku ngangau ka Tindin Pimpin Bragah Ngindang,
Seduai Entingi Keti Aur Tulang.
Aku ngangau ka Rekaya Tom Tajai Ngindang,
Enggau tuai entanak benama Unggang.
Ngangau ka Petara Uyut benama Bedilang,
Petara Atin apai Saang,
Petara Sabok Apai Mang,
Orang Kaya Dana Bayang,
Enggau Chulo bejulok Tarang.
Orang ngasoh aku ngambi ngabang,
Ngambi mansang,
Ngambi makai,
Ngambi nandai !)
Kita ka ari ili datai sabuah barong,
Kita ari ulu undor sabuah buong.
Kita ari langit nilik naka rekong,
Kita ari tanah nyengok naka punggong.
Ngabang abis, ngabang lengis,
Betambit pintu, bekaling alu,
Bekaling lantai, bekesai tikai. 
Aku ukai ngangau ngapa, ukai ngangau pia,
Aku mai kita ngabang, mai kita mansang,
Mai kita makai, mai kita nandai.
Aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban. 
Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Tang mai ubat serangkap genap,
Mai batu teruba nemu,
Mai pengaroh gembar tuboh. 
Anang engkah ngapa, engkah pia,
Engkah ba piring, engkah ba ading.
Ayan ka ba tegalan,
Lengka ka ba pedara,
Sikap ka di ketupat.
Ngambi ka kena peda, kena tela,
Kena iching, kena perening.
Awak ka kena genggam, kena simpan,
Kena sandoh, kena taroh,
Kena japai kena pegai. 
Enggau sampi tu,
Aku Minta kami chelap-embab,
Minta gayu-guru,
Gerai-nyamai,
Bidik-lansik,
Betuah-belimpah,
Kaya-raja,
Aku minta tulang,
Minta pandang,
Minta iching,
Minta perening. 
Awak ka kami mudah bulih duit, bulih ringgit,
Bulih padi, bulih puli,
Bulih reta, bulih tengkira,
Bulih setawak, bulih menganak.
Ngambi ka kami jelai rita, manah nama,
Nuchong baka bukit Rabong menoa,
Tinggi baka langit nungkat neraja,
Terang baka pandang bulan purnama.
Nya alai dinga ka kangau anak mensia, kangau anak uda,
Minta tulong, minta sukong kita.
Oooooohaaaaaa!!!!

smkselirik.niceboard.net/.../kelab-jako-iban-enggau-main-asal-t20.htm

Berita Pemerindang

ira dalam perambu deka ngelumu semua artis bebansa iban remun. Ari pansik kurang lebih bisi 8 iku ari sida iya. Dua iku artis iban 70-an. Siku 80-an. Udah nya iya ke bukai artis baru. Deka nemu sapa sida. Sabar… dudi ila aku nyerita enggau silik agi. Dalam dunya pemerindang iban remun mega bisi enggau orang besemekih ngaga studio rakaman. Pia mega bisi nya nyadi komposer, bisi nya nyadi muzik engineer/editor.

Iya ke beguna bendar sida ke bisi band kediri empu. Ba genturung menua iban remun bisi ditemu tiga buah band ti selalu dikena orang konsert melah pinang, pengerami nyambut YB, sereta ngiring artis iban iya ke diundang belagu.

Siti ari band ti dikembuan bansa iban remun iya nya band D-FlyBees ari kampung Tepin,Balai Ringin. Band tu kala mega ngiring artis iban baka Johny Aman, Margeret M.Jalang etb. Band tu endang chukup popular ba menua Balai Ringin.

Raban D-FlyBees tu mega udah nyediaka diri ari segi mental,fizikal enggau material deka ngaga album lagu iban berkumpulan. Konsep lagu engka nitih ke singkang dunya pemerindang mega. Sida enda mentingka populariti tang lebih ke kualiti jangka panjai. Diatu engka muzik nya nya enda ulih diterima orang iban tang ‘slow and steady’ jemah ila engka ulih. Enda enda diterima enda ga ngawa. Anang enda nguji ngeruh ai…

Lagu sida tu digaga penuh ngena chara teknologi digital lalu ngena software baka cakewalk, sonar,Drum kit ti manah,etb. Klip video mega diumba ngena chara melenium. Sekali imbas klip nya baka ke amai-amai diambi ba kutub utara maya winter taja klip nya diambi ba belakang dapur rumah. ….he..he…lain ari lain keno ko manager D-flybees.

Raban D-FLY BEES

Pemain bass-charles

lead guiteris-jawi

keyboardis -Rin

Vokal & drummer : Ichel (vokal indu) -gambar agi dirashia -laban tujuan komersial. Penyanyi indu keterubah belagu lalu bemain drum…enda nyalah baka Muzuin Hamzah -Kumpulan Quanary M suba…Penyanyi indu tu chukup latihan vokal enggau teknik bemain drum enggau apai iya empu selaku manager band D-FlyBees.

Berita pemerindang remun ke bukai agi dalam proses editing…

ibanremun.wordpress.com/berita-pemerindang-sira

Bangsa Iban: Sembiang Apai Kami...

Bangsa Iban: Sembiang Apai Kami...: "'Apai kami ti di serega: Awak ka nama nuan di-intu kudus, Kenatai ka perintah nuan; nyadi meh peneka nuan di dunya baka dalam serega. Beri..."

Sembiang Apai Kami...

'Apai kami ti di serega:
Awak ka nama nuan di-intu kudus,
Kenatai ka perintah nuan;
nyadi meh peneka nuan di dunya
baka dalam serega.
Beri ka kami sahari tu chukop
pemakai diguna kami.
Ampun penyalah kami,
baka kami ngampun orang ti udah
salah ngelaban kami.
Anang ngasoh kami kena penguji ti besai,
tang lepas ka kami ari kuasa Sitan.'

Jako Iban Sigi Amat Universal

Amat sebut enda sebaka di sekayu dunya tang orang ngena iya mereti jaku pangan

KUCHING: Jaku Iban tau dikumbai universal laban sebaka ba semua menua.

Enda ngira iya di Sarawak, di Sabah, di Brunei, di Semenanjung tauka di Kalimantan, Indonesia jaku Iban enda sebaka, lalu mina bisi bida ari jalai sebut enggau sekeda nama jelu, kayu, buah enggau sekeda nama utai bukai.

Reti nya dalam jaku ribai, jaku kitai Iban tu ‘universal’ laban semua orang ke bejaku tauka bekomunikasi enggau jaku Iban endang sama mereti utai ti dikejakuka pangan diri nya.

Iban ari Temburong, Brunei mereti nama utai ku Iban ari Layar di Betong tauka nama utai ke dipadah Iban ari Anap di Bintulu. Reti nya enda ngira ari dini asal penatai semua kitai Iban endang mereti utai ku pangan.

“Bida jaku kitai nya mina dalam bunyi sebut iya, laban nya nitihka penatai kitai, ari ai siti-siti tang kitai nadai mayuh bida dalam jaku enggau nama kena kitai nganu utai siti-siti.

“Ambika banding, kami di Saratok enggau Betong ngena jaku ‘nuan’ tang bala di Sibu enggau ai Batang Rajang enggau sekeda menua bukai ngena jaku ‘dek’ lalu bala di Kuching enggau sida ari Lundu bisi nya jaku ‘kua’,” pia ku siku bekau pemesai ba opis betanam betupi ke mega kala nyadi Chermin Pepper Marketing Board Datu Henry Jantum Bakit lebuh berandau enggau Berita Iban apin lama.

Jantum ke berasal ari Nanga Luau, Saratok diatu diau mendam di Kuching.

Endang amat munyi ku Jantum nya, bala Iban ari Temburong tauka di Tutong enggau Belait di Brunei ke mayuh berasal ari menua Layar enggau Krian di Sarawak endang nadai bida jaku baka kitai di menua tu.

Berita Iban ngelamatu bisi dikempelin orang laban jalai sebut bisi kasar mimit.

Pengarang enda mereti ba senentang ni jaku nya bisi kasar.

Ba jalai nyepil tauka ba jalai bukai? Ambika penemu pemacha mayuh Berita Iban kenyau ari pun endang ngena sistem sepil ti stindit ke mega lalu ditunda ulih sida ba Opis Pelajar lebuh berengkah ngena Sistem Jaku Iban ba kurikulum sida dalam kelas berengkah ari taun 2007 suba.

Ka tambah nya, sepil dikena Berita Iban mega nitihka sanding penemu bala sida ari Jugah Foundation.

Pelaba pengarang reti jaku kasar nitihha kempelin – pengarang nadai ninga kempelin nya ari pending pengarang empu tang mina ninga padah ari bala sama gawa ke bukai – engka laban pemacha ke ngempelin nya ari ai bukai kelimpah ari Krian tauka Saribas.

Kebuah pia, sebut ari menua Krian enggau ai Saribas enda sebaka enggau sida ari Batang Rajang, Kemena tauka Batang Baram.

Ambika banding, nitih sepil dulu suba, ‘jaku’ disepil ngena ‘jako’ lalu pia mega ‘tulung’ disepil ngena ‘tulong’ laban nya nitihka sebut orang terubah mungkal sepil nya kelia baka sida niang Gerunsin Lembat (Tan Sri Datuk), niang Michael Buma (Datuk) tauka niang Benedict Sandin enggau bala sida bukai.

Sistem sepil kelia engka ari setuju semua sida, tang nadai tentu sistem ke nyemetak.

Enti kitai macha dalam mayuh bup cherita Iban ke bisi baka ke ditulis ari mayuh penulis nyengkaum Benedict Sandin, Alli Majang, Edward Kechendai, George Garai, Thomas Bangit, Lawrence Senoun Ijau, Henry Gerijih, George Jimbai, Andrea Ijau, Joshua Jali, Jimbun Tawai, Janang Ensiring, Jimmy Donald sereta enggau mayuh penulis bukai, dia kitai meda sistem sepil kena sida pan nadai sebaka tang jaku Iban kena sida nadai bida ari pangan diri.

Mina ke bisi nyelaie mimit nya enggi Jimmy Donald laban nya jaku Iban Balau ke endang batang jaku bala kitai Iban di menua Sri Aman ke mega semak bendar enggau jaku Iban bala sida Dayak Kantu ari menua Kalimantan.

Ngerichau mimit ngenang jaku sida Kantu ari Kalimantan, sida enda ngena ‘selamat datai’, laban kebendar iya jaku ‘selamat’ tu asal jaku Melayu. Sida ngena jaku ‘gaga amat temuai datai’ ba pintu kuta tama ngagai rumah panjai sida.

Bala sida Kantu mega agi ngena jaku ‘begerangi’ ke jarang dikena laban kitai diatu ngena jaku ‘begagai’ tauka ‘bebuti’ enggau pangan.

Jaku ‘berami’ kitai ditukar sida ngagai ‘beramai’ lalu jaku ‘ukai’ sida kena jaku ‘bukai’ ti deka sama semunyi enggau ‘bukan’ dalam jaku Melayu ti sama reti mega.

Nya alai enti kitai bejaku enggau sida Iban, sida Kantu, sida Maloh ari menua Kalimantan kitai nadai penanggul bekomunikasi enggau sida laban kitai endang sama ngena jaku Iban, lalu sama mereti utai ku pangan taja pan jalai sebut kitai enda semunyi, enda sebaka.

Ketuai pengarang Berita Iban angkun bendar ati laban bisi awak ngerembaika pengena jaku Iban belalauka jaku Iban stindit ti dipelajar di sekula kenyau ari taun 2007 suba.

Diatu bala kitai Iban patut temegah ati laban Jaku Iban udah diajar ba 48 buah sekula sekonderi serata menua Sarawak ngagai nembiak ke belajar ba Pom Empat enggau Pom Lima berengkah ari taun nya.

Kena 1 Disember, 2006 suba Sapit Kepala Menteri Datuk Patinggi Tan Sri Alfred Jabu ak Numpang udah diberi basa bejadika atur pengawa nyain sempekat pemetul enggau pengena jaku ‘Deklarasi Sistem Jaku Iban Di Sekula ba hotel Crowne Plaza Riverside di Kuching ditu.

Dulu ari tu, ku Jabu, pelajar Jaku Iban sigi udah diajar ba sekula sekonderi, tang mina naka tikas Pom Tiga aja.

Bisi lebih sepuluh taun ti udah tu, pelajar nya diajar ba sekeda sekula sekonderi menua tu.

Taja pia, ukai semua sekula bisi ngajar nya.

Ku Jabu, ke nyadi Menteri Pemansang Infrastruktur enggau Penyambung sereta mega nyadi Menteri Pemansang Pesisir mata pelajar Jaku Iban tu ukai enda tau enda dambi, ukai kompulsri.

“Dalam 48 buah sekula nya, bisi 144 iku pengajar enggau 1,440 iku nembiak deka ngambi pelajar Jaku Iban tu,” ku Jabu lebuh bejaku maya nya.

Jabu madah, semua atur baru tetap deka bisi penanggul, tang bala kaban komiti kereja nya deka seruran betatika sistem lalu nginsit pemanah iya mimit-mimit sampaika iya nyadi chukup ngena sereta manah.

Siku ari kaban Komiti Pengatur pengajar Christie Duin Tanggi, siku pengajar bisi degree ke diatu ngajar ba SMK Jalan Arang, ditu madah, sida lama bendar udah selalu bekelikuh pasal pengena jaku nya.

Kebuah pia laban mayuh sistem nyepil jaku Iban nitihka sebut ari menua siti-siti.

Ku iya, diatu udah bisi 20 iku pengajar ke udah bempu diploma dalam pelajar jaku nya, lalu sida tu meh ti udah dipilih asuh mungkal ngajar mata pelajar nya.

“Sekeda pengajar ti udah bisi latih ngajar jaku (nyengkaum pelajar jaku bansa bukai), ulih mega diasuh ngajar Jaku Iban, laban sida udah bisi pengelandik ngajar siti-siti jaku,” ku iya.

Christie Duin empu siku ari pengajar ke udah nulis bup Iban pasal jaku sempama.

Manah bendar ga pelajar Jaku Iban nya laban beduduk ari nya bala nembiak ke ngambi nya, baik sida di Julau, di Saratok, di Limbang tauka di Kuching, sida tetap deka ngena sistem sepil ti sama lalu berengkah ari nya deka ngasuh sebut sida nadai jauh bida ari pangan.

Taja pia, siti utai ti ngasuh Berita Iban tekenyit nya pasal sekeda bala kitai Iban ba nengeri ke malu bejaku ngena jaku Iban laban enggaika ditemu orang bansa Iban.

Tu meh pekara ti balat ngasuh tekenyit, laban enda nemu kebuah malu ngumbai diri bansa Iban.

Nadai kebuah malu. Kitai Iban patut temegah ati enggau jaku kitai empu laban jaku meh ti nyadi tanda pengalala bansa Iban.

Jarang bansa di dunya ngembuan pengaya jaku bebanding enggau enggi kitai Iban.

Keba Professor Clifford Sather, bekau chair of Asian Studies ba Unimas, Kuching ditu kala madah kitai Iban ‘Master of Language’, reti nya chukup kaya sereta landik dalam jaku.

Kelimpah ari Sather, Professor Derek Freeman, siku anthropologist tebilang ari Australia – iya menya ngajar ba Australian National University (ANU) lalu nyadi mentor ka James Jemut Masing (diatu Dato Sri Dr James Jemut Masing) – ke mayuh nulis bup pasal raban bansa Iban, mega keran bendar madah kitai Iban siti bansa ti chukup kaya sereta landik dalam jaku enggau penemu asal.

Nitih ripot ari pemberita Utusan Borneo Edwin Raoh di Lubok Antu apin lama, Kaban Kunsil Nengeri sitak Bukit Begunan Mong Dagang munyi ke berupai enda lantang ati ninga sekeda bala kitai Iban enggai bejaku ngena jaku Iban lebuh betemu enggau diri sama diri di pasar tauka di nengeri.

Kebuah enggai, laban irauka orang mayuh ngelala sida nya bansa Iban.

Serimbai enggau nya, Mong nangi bendar, enti ulah nya (malu bejaku ngena jaku Iban enggau pangan diri ba nengeri) terus nyadi kemeran bala sekeda sida tu, nembiak rebak baru deka kelama-lama lenyau pengelala diri, nadai agi identiti bansa Iban laban enda nemu bejaku ngena jaku nya agi.

“Enti kitai Iban empu malu bejaku ngena jaku Iban enggau diri sama diri enda ngira di nengeri tauka sebarang alai endur, belabuh punas meh jaku kitai Iban ari diatu.

“Enti jaku punas, bansa pan punas ga.

“Nama penyadi kitai?” pia ku Mong sereta madah raban bansa Iban meh ke pengabis mayuh nguan menua Sarawak diatu bebanding enggau bansa bukai.

Nya alai, ku Mong nampung jaku iya, enti kitai enggi ngemeranka jaku kitai empu, bakani ku kitai ulih terus ngemeranka adat enggau main asal kitai Iban baka besanggai, beramban, bepantun, berenung, mengap enggau main benyawa ke bukai.

Taja pia, ku iya nadai salah bansa kitai bejaku ngena jaku bukai maya ke betemu enggau pangan diri tang enda tau enda ingatka jaku enggau identiti diri empu, ku Mong nambah nitih ripot ari Edwin nya.

Berita Iban ngarapka bala nembiak rebak baru diatu anang enda beratka jaku pesan ari Mong nya, lalu ngicha bala kitai ke bukai sama bela anang malu ka jaku diri empu, laban nya meh batang pengelala bansa. Enda ku jaku orang tuai, punas jaku, punas meh bansa.

Bujang Sigat Baya Mangah Iko Nyipat, Bujang Lancat Baka Kilat Ngelambai Petang